Последниве денови, шефовите на BMW, Volkswagen и Renault се изјаснија против целите на Европската унија за емисиите, тврдејќи дека правилата за постепено укинување на моторите со внатрешно согорување вршат преголем притисок врз индустријата, додека потрошувачите и онака не купуваат доволно електрични автомобили.
Целите на ЕУ се во 2035 година да воведе целосна забрана за автомобилите на бензин и дизел и да наметне значителни казни за производителите на автомобили доколку не ги почитуваат роковите.
Познато е дека во 2025 година ЕУ ќе бара 25% намалување на емисиите од новите патнички автомобили што се продаваат во Европа, во споредба со дозволените емисии од 2021 година. Непочитувањето на новите правила ќе резултира со парична казна за секое возило регистрирано во ЕУ.
„Веруваме дека сеопфатен преглед на законодавството на ЕУ во однос на возниот парк со мотори со внатрешно согорување е од големо значење“, рече извршниот директор на BMW.
Извршниот директор на групацијата Volkswagen, исто така, минатата недела рече дека нема смисла индустријата да плаќа казни доколку не постојат рамковни услови за продажба на електрични автомобили.
За возврат, извршниот директор на Renault, Лука де Мео, исто така ги повика претставниците на ЕУ да ги разгледаат стандардите за емисии во официјално отворено писмо.
Следете не и на:
