BMW се пофали дека имаат еден од најуспешните Инстаграм канали меѓу автомобилски брендови во светот, откако бројот на следбеници на нивниот Инстаграм канал ја помина ознаката од 10.000.000.
Компанијата информираше дека импресивната бројка од 10 милиони следбеници ја потврдува посветеноста на BMW брендот кон социјалните медиуми. За маркетингот на BMW, Инстаграм е повеќе од уште еден дигитален канал за комуникација, а го користат за споделување на животниот стил на BMW брендот со неговите следбеници, и тоа преку споделување на најновите вести за новитетите, поглед кон сопствената историја, како и кон иднината на мобилноста.
Од BMW дополнуваат дека за нив е важно да се понудат разновидни теми со релевантна содржина која е привлечна за корисниците и ја зголемува нивната вклученост преку лајкови, споделувања и коментари.
Следете не и на:
