Во компанијата BMW продолжуват да работат на новите модели, а пред две недели беше објавен планот до 2021 година да биде лансиран напредниот модел под ознака INext, но засега нема никакви информации за неговите карактеристики и за конечниот назив.
Компанијата од Баварија годинава продаде 100.000 електрични автомобили, а тоа е огромен напредок. Затоа уште сега се направи чекор напред и беа заштитени правата на ознаките од BMW i1 до i9, но и на ознаките од BMW iX1 до iX9.
Во истиот извештај уште еднаш е потврдено дека iNext ќе биде технолошки чекор напред за понудата на BMW, а токму овој модел би требало да ја носи ознаката i9 додека доколку се работи за СУВ/кросовер ознаката ќе биде iX9.
Карактеристиките на моделот iNext засега не се официјално потврдени, но сигурно се знае дека ќе го придвижува електричен погонски склоп и дека ќе биде опремен со автономија на четврто ниво.
