Фанатиците на BMW автомобилите и колекционерите имаат одлична можност да се “подноват” со примерок на BMW E34 M5 од 1991 година. Овој примерок е огласен од страна на продавач на Porsche автомобили од Лас Вегас, САД, а при тоа има поминато нешто повеќе од 50.000 км.
Под хаубата располага со 3,6 литарски S38 мотор кој продуцира максимални 311 КС. Доаѓа и со пет степен мануелен менувач. Според техничките карактеристики, од 0 до 100 км/ч забрзува за само 6.3 секунди додека пак максималната брзина која ја постигнува изнесува 252 км/ч.
Истиот овој автомобил е огласен по цена од 67 илјади американски долари, но во зависност од интересот постои потенцијал оваа цена значително да се зголеми.
Инаку основната верзија на овој модел се произведувала во периодот од 1987 до 1996 година во фабриките во Германија и Јужна Африка. М серијата пак се прозиведувала во периодот од 1989 до 1995 година и во далеку помалку примероци.
Следете не и на:
