Британскиот производител на ултра луксузни автомобили, Bentley, е последниот кој се одлучи да лансира електричен модел.
Според пишувањата на Ројтерс, повикувајќи се при тоа на разговорот со шефот на Bentley, Адријан Халмарк, овој производител не подоцна од 2025 година ќе го лансира својот прв електричен модел во понудата.
Според зборовите на Халмарк, тој веќе го презентирал новиот производствен план на управниот одбор, но без при тоа да навлегува во детали за Ројтерс изјави дека во новиот модел ќе биде вградено и нова технологија развиена од производителот. Во моментов производителот го анализира проектот за развој и лансирање на целосно електричен автомобил, и сите подготовки, вклучувајќи го и развојот на прототипот би требало да завршат не подоцна од 2025 година.
Според пишувањата, овој автомобил би требало да се базира на PPE (Premium Platform Electric) платформата која ја развиваат Porsche и Audi. Исто така се шпекулира дека овој прв модел на купувачите ќе им понуди минимални 500 километри автономија.
