По повод прославата на 100 години од основањето, Bentlеy подготвува нов концепт кој ќе го претстави во јули годинава. Директорот за дизајн на компанијата, Стефан Зилаф изјави дека новиот концепт ќе го отсликува дизајнот на иднината на компанијата и ќе претставува еволуција во дизајнерскиот јазик.
“Тоа е нашата визија за иднината, но не онаа за 100 години, туку можеби 30 години. Тоа е како ние го гледаме развојот на Bentley” изјави Зилаф за AutoExpress потенцирајќи дека целосниот дизајн е развиен во секторот за дизајн во седиштето на компанијата во Кру, Велика Британија.
Засега не се откриваат многу информации поврзани со овој концепт. По изјавата на директорот на дизајн се очекува да биде нешто со невообичаен дизајн за бритнскиот производител, а сигурно дека ќе дојде со бројни иновативни системски решенија.
Следете не и на:
