Светот може наскоро да остане без простор за складирање на својата дополнителна нафта бидејќи Саудиска Арабија се подготвува да го зголеми производството на фосилни горива дури и додека глобалната побарувачка за енергија продолжува да паѓа како резултат на пандемијата „Ковид-19“.
Глобалната цена на нафтата падна на најниските 25 американски долари за барел минатата недела, од повеќе од 65 американски долари на почетокот на годината. Се предупредува дека цената на нафтата може да падне на 10 долари за барел оваа година.
Нивото на складирање на нафта низ светските капацитети за складирање се искачи на околу три четвртини од максималното ниво откако во јануари се исклучија на најголемите рафинерии во индустриските центри на Кина за да го спречи ширењето на коронавирус.
Се очекува нафтената индустрија да одржува полнење на складиштата со сурова нафта во текот на недели и месеци, бидејќи економската зараза на пандемијата се шири низ целиот свет, намалувајќи ја побарувачката за природни ресурси, вклучително и нафтата.
Глобалната нафтена индустрија може се повеќе да бара од офшорт нафтените танкери за складирање на нивната дополнителна сурова нафта, но за ова да биде економски, ќе треба цените на нафтата да паднат дополнително.
Борбата и барањето за прифатливо складирање на нафта ќе биде отежнат откако Саудиска Арабија најави зголемување на производството до „врв“. Проблем околу преголемата понуда на сурова нафта во светот се очекува да се појави наредниот месец кога договорот меѓу нафтениот картел Опек и Русија за ограничување на производството на нафта треба да заврши. Завршувањето на договорот и дозволува на Саудиска Арабија, која де факто е лидер на Опек, да се трка со Русија и да го зголеми производството на нафта во обид да зафати поголем удел на пазарот.
Војната во цената на нафтата се очекува да го зголеми светското производство на нафта за повеќе од 2,5 милиони барели нафта на ден, што ќе ја надмине побарувачката за сурова за 6 милиони барели нафта на ден. Се проценува дека светот има околу 7,2 милијарди барели сурова нафта и производи во складирање, вклучително и 1,3 милијарди до 1,4 милијарди барели со нафта на танкери на море.
Во теорија, ќе бидат потребни девет месеци за да се пополнат преостанатите нафтени магацини во светот, но ограничувањата во многу објекти ќе го скратат ова на само неколку месеци.
