Се чини дека цела вечност трае потрагата на Volkswagen за идеална локација за нивната нова фабрика. Веќе една година вработени во оваа компанија евалуираат и преговараат со повеќе држави.
Пред само два месеци сите медиуми, вклучувајќи ги и германските пишуваа дека новата фабрика ќе се гради во Турција, но од Volkswagen Групацијата ги демантираа пишувањата дека е донесена одлука и покрај тоа што раководни лица на компанијата имаа средба со високи функционери на турската влада.
Покрај две локации во Турција сега во тесниот круг се наоѓа и непозната локација во Бугарија, а што се однесува до останатите кандидати, Србија, Романија и Косово се чини дека истите се отпаднати од изборот.
Новата фабрика ќе биде мултибренд и во неа ќе се произведуваат повеќе модели од брендовите на Volkswagen, Skoda и Seat.
