Фабриката во Брисел ќе биде затворена на 28 февруари претстојната 2025 година...
Додека матичната компанија Volkswagen Group се уште размислува дали да ги затвори фабриките во Германија, Audi ја донесе оваа драстична одлука во Белгија. Фабриката во Брисел ќе ја затвори произцодните погони на крајот на февруари претстојната 2025 година.
Следствено, Q8 E-Tron и Q8 E-Tron Sportback се бришат од лентата. Поради слабата продажба, двата големи електрични теренци не генерираат доволно побарувачка за да ја одржат фабриката отворена. Audi се обиде да најде купувач за фабриката, но безуспешно. Имаше гласини дека кинескиот производител на автомобили Nio бил заинтересиран да ја купи фабриката во Брисел, но извршниот директор Вилијам Ли потоа ги негираше извештаите во септември.
Reuters го цитира Герд Вокер, член на одборот на Audi и шеф на производство, пренесувајќи: „Одлуката да се затвори фабриката во Брисел е болна. Лично, тоа беше најтешката одлука што некогаш сум ја донел во мојата професионална кариера“.
Потсетуваме, Q8 E-Tron го започна својот живот во 2018 година кога дебитираше само со називот E-Tron за да послужи како прв глобален електричен автомобил на Audi од сериско производство.
Извонредниот дериват на Sportback пристигна околу една година подоцна. И двајцата го добија префиксот „Q8“ на крајот на 2022 година, кога двата електрични возила беа подложени на дотерување во средината на циклусот.
Фабриката во главниот град на Белгија ги произведува моделите со ознака Q8 од декември 2022 година. Последните возила ќе бидат склопени на 28 февруари 2025 година, изјави портпаролот на компанијата Питер Д’Хур.
Во 2023 година, Audi продаде 49.001 примероци од Q8 E-Tron, што е за 4,3% помалку од претходната година. Како и да е, фабриката во Брисел има максимален годишен капацитет од 120.000 возила, па лесно е да се види зошто математиката не му одела во корист на електричниот SUV модел.
Основана во 1949 година, фабриката има нешто повеќе од 3.000 вработени и се тврди дека е „првата јаглеродно-неутрална високоволумна фабрика во светот во луксузниот сегмент“.
Audi имаше намера да стане целосно електричен до 2033 година, но сега сака да остане „флексибилен“, изјави извршниот директор Гернот Долнер.
Останувајќи во групацијата VW, (кога станува збор за оваа тема )- Bentley веќе неколку пати ја потиснуваше својата агенда за производство на само ЕV. Компанијата првично кажа дека ќе ги напушти автомобилите со бензински мотори до 2030 година пред да ја прилагоди својата цел за 2033 година.
Најновиот план предвидува исклучиво електрична линија до 2035 година.
Основниот бренд VW сакаше да биде целосно електричен во Европа уште во 2033 година. Сепак, неодамна призна дека сегашната генерација на Golf може да остане до 2035 година со мотор на внатрешно согорување.
Следете не и на:
