Секоја студија, истражување или пак анкета даваат интересни резултати. Не мора да значи дека тоа секогаш е така во пракса, но сепак се открива некоја врска. Токму една интересна студија откри врска помеѓу брендот на автомобилот што го поседувате и вашиот коефициент на интелигенција…како и ризикот од психопатски тенденции!
Или со други зборови: Дали брендот што возачот го избира е поврзан со неговите интелектуални способности? Недвосмислениот одговор е да.
Британскиот сајт за споредба на возила Scrap Car Comparison одлучи да го стави ова на тест со спроведување на анкета за мерење на коефициентот на интелигенција (IQ) на 2.024 Британци, давајќи им брз тест од 20 прашања. Истражувањето било направено во јануари 2023 година.
На овој начин, студијата прави врска помеѓу брендот на автомобилот на секој учесник, но и избраниот тип на мотор и бојата на автомобилот.
Рангирањето ги става сопствениците на Skoda на врвот со просечен коефициент на интелигенција од 99 (просекот е помеѓу 85 и 115, само 2,5% од населението е под 70 или над 130).
Сопствениците на Suzuki се втори по интелигенција, а потоа следат сопствениците на Peugeot, MINI и Mazda. Од проучуваните 22 марки, последните три се за BMW, Fiat и Land Rover.
Студијата, исто така, покажува дека сопствениците на бензински автомобили имаат највисок просечен коефициент на интелигенција (94,35) пред хибридите (93,89), дизел автомобилите (92,91) и електричните автомобили (90,19).
Во однос на бојата на автомобилот, белата победи (95,71) пред сивата (94,71) и црвената (94,88). Зелената е најниско рангирана боја (88,43).
Scrap Car Comparison исто така бара врска помеѓу марката на автомобилот во сопственост и…психопатските тенденции на возачите! Учесниците се оценети до 36 поени, со можност за психопатски тенденции почнувајќи од 19. Ниту една марка не го прави возачот психопат, но сопствениците на BMW се најлоши со оценка 12,1, пред Audi (11,7) и Fiat (7,0). Skoda повторно е бренд со врвни перформанси со оценка 3,2!
Следете не и на:
