Во Скопје возачите се однесуваат по принципот „топло-ладно“ и откако еден ден ќе возат според сообраќајните правила веќе следниот прават двојно повеќе прекршоци. Според последните податоци од МВР, во четвртокот на територијата на Скопје биле изречени вкупно 557 санкции што е повторно рекордно во главниот град.
Само на територијата на општина Чаир се изречени вкупно 207 санкции, меѓу кои возење без возачка дозвола 23 лица, а имало 24 технички неисправни и нерегистрирани возила, а за неносење заштитна маска се изречени 31 казна.
Министерството за внатрешни работи на територијата на град Скопје во текот на вчерашниот ден се изречени се вкупно 557 санкции, меѓу кои 93 прекршоци за пречекорување на дозволената брзина на движење, 59 мерки за технички неисправни возила, 52 за возење без возачка дозвола, 16 санкционирани мотоциклисти. Изречени се 93 мерки за непрописно паркирање, а 70 санкции за неносење на заштитна маска.
Засилените сообраќајни контроли продолжуваат и во наредните денови.
