Mercedes-Benz објави дека ќе започне со производство на нов модел во својата фабрика во Таскалуса, Алабама, во 2027 година. Овој потег е дел од стратегијата за локализација на производството, со цел да се намалат трошоците поврзани со новите тарифи за увоз на возила во САД.
Иако не е официјално потврдено кој модел ќе се произведува, се шпекулира дека станува збор за GLC, кој е еден од најпродаваните модели на Mercedes во САД.
Фабриката во Тускалуса веќе произведува неколку SUV модели, вклучувајќи ги GLE, GLS, EQE SUV и EQS SUV. Со додавање на нов модел во производството, Mercedes-Benz ја зајакнува својата посветеност кон американскиот пазар и ја продолжува својата стратегија за „локално за локалното“.
Оваа стратегија има за цел да ги намали трошоците за увоз и да ги задоволи специфичните потреби и преференции на американските потрошувачи.
Извршниот директор на Mercedes-Benz, Ола Келениус, изјави: „Тускалуса е клучен центар за нашите возила речиси 30 години. Природно е да донесеме нов модел во Алабама како дел од нашата стратегија за продлабочување на посветеноста кон САД, пазар кој е наш дом повеќе од еден век.“
Овој потег доаѓа во време кога автомобилската индустрија се соочува со предизвици поради новите трговски политики и тарифи, што ги принудува производителите да ги преиспитаат своите стратегии за производство и дистрибуција.
