Еден од најпопуларните британски сајтови за автомобилизам, WhatCar?, спроведе истражување врз основа на кое ја претстави листата на автомобили кои најлесно односно најтешко поминуваат на технички преглед. За да даде одговор на ова прашање, WhatCar? доби пристап до 745.000 анонимни извештаи на автомобили кои биле на технички преглед изминатите години. При тоа овие извештаи се однесуваат на повеќе модели со цел да се добие репрезентативен примерок.
Последната генерација на Hyundai Ioniq е најдобар автомобил кој освои скор од 96,18% од максимални 100%. Следи уште еден електричен автомобил, BMW i8 кој чие производство заврши минатата година. Овој автомобил освои скор од 95,97%. Во најдобрата тројка се наоѓа уште Porsche Boxster со скор од 94,10%.
Меѓу најдобрите автомобили се ноѓаат уште и: Lexus NX, Porsche 911, Mazda CX-3, Lexus RX, Mazda MX-5, Porsche Macan и Porsche Cayman.
Од друга страна, Peugeot 5008 е најпроблематичниот автомобил. Во Велика Британија, 70,81% од овие автомобили поминале од прва. На неславната листа се најде и Hyundai i800 со скор од 71,36%, а 73,48% oд автомобилите од Opel Corsa поминуваат од прва. На листата место има и за Ford Galaxy, Fiat Punto, Renault Megane, Opel Antara, Citroen DS3, SsangYong Korandо и Kia Sorento.
![](https://24auto.mk/wp-content/uploads/2020/06/viber.png)
Следете не и на:
![](https://24auto.mk/wp-content/uploads/2020/04/facebook-1.png)
![](https://24auto.mk/wp-content/uploads/2020/04/instagram-1.png)