Ферстапен за историја: Прв возач што победи на Ф1 трка во Мајами

Актуелниот светски првак во Формула 1, Макс Ферстапен на Red Bull со триумф во Мајами влезе во историјата на Ф1 како прв победник на оваа трка. Трката во Мајами ќе се вози во следните десет години. На подиумот покрај Ферстапен се искачија и двајцата возачи на Ferrari, Шарл Леклер и Карлос Саинц.

Сега бодовната разлика меѓу Леклер и Ферстапен е 19 бода во однос на возачот на Ferrari. Леклер има 104 бода, а Ферстапен 75. На трето место во генерален пласман е Серхио Перез со 66 бода. Возачот на Red Bull освои и плус бод за најбрз круг на трката со што вкупниот број на бодови што ги став на својата сметка се 26.

Ферстапен тргна кон нов триумф откако уште на почетокот од трката го мина прво Карлсо Саинз на стартот, а потоа и Леклер кој ја имаше пол позицијата. И се до пред 10 круга до крај на трката немаше неизвесност кога поради влегување на безбедносното возило повторно се наредија болидите еден зад друг. Леклер „фрли се“ во следните пет круга, но не доволно да го мине Ферстапен.

Ова е трет триумф за Ферстапен сезонава во Ф1.

Следете не и на: