Деновите стануваат пократки и времето за возење во мракот се зголемува. Некои производители на автомобили веќе нудат инсталиран електронски асистент за ноќно возење, кој ги препознава минувачите дури и во мрак.
Ако се погледнат во дигиталните инструменти на DS 7 Crossback, додека возите низ ноќта ќе забележите дека дури и ако само кратките светла се активирани, а видливоста е ограничена поради сообраќајот што доаѓа, превозното средство може да препознае живи суштества од растојание со асистентот за ноќно гледање до 100 метри.
Без разлика дали станува збор за велосипедист, кој вози по неосветлен црн пат, пешак, кој излегува од зад дрвото на големо растојание или елен, кој сака да премине пат – системот ја открива телесната топлина на живите суштества со помош на инфрацрвена технологија, пред тие да се во видикот на возачот и ги покажува на инструмент таблата. Возачот е предупреден како визуелно така и звучно.
Системот автоматски се префрлува за преглед, доколку постои сериозна опаснот. За да се види футуристичката инфрацрвена слика низ целата ширина на арматурната табла, возачот треба само да ја постави на „ноќно гледање“. Потоа, движечките потенцијални извори на опасност се наведени во жолто или црвено, за да се информира возачот за нив.
