Цената на автомобилите постојано расте, а објаснувањето е дека се зголемуваат цените зна компонентите кои се вградуваат, на инфлацијата и секако побарувачката. И се разбира, како расте цената така расте и заработувачката на производителите.
Познато е дека тие маржи се навистина големи. Дали некогаш сте се запрашале колкава е маржата на производителите на автомобили за секој произведен автомобил? Според податоците излегува дека лидер во ова рангирање е американската компанија Tesla, а етаблираните играчи на пазарот, како Toyota, VW и Hyundai заостануваат далеку.
Профитот на Tesla е едноставно недостижен за другите марки на автомобили. Во 2022 година, нето профитот на Tesla од секој продаден електричен автомобил е речиси 10.000 долари, додека Toyota, VW и Hyundai добиваат околу 1.000 долари од секој автомобил.
Ова е и причината поради која компанијата на Илон Маск ги направи овие невидени попусти за моделите на Tesla на почетокот на 2023 година – со такви приходи, компанијата може да си дозволи многу да си игра со цените.
Еве преглед на профитот на некои од главните производители на пазарот, прикажувајќи ја бруто и нето добивката од продажбата на автомобил по марка. Податоците се од агенцијата Ројтерс.
* Tesla – 15.653 долари (бруто) – 9.574 долари (нето)
* GM – 3.818 долари – 2.150 долари
* BYD – 5.456 долари – 1.550 долари
* Toyota – 3.925 долари – 1.197 долари
* VW – 6.034 долари – 973 долари
* Hyundai – 5.362 долари – 927 долари
* Ford – 3.115 долари – 762 долари
* Xpeng – 4.565 долари – 1.735 долари
* Nio – 8.036 долари – 1.9141 долари
Во јануари 2023 година, Tesla објави дека попустите на нејзините електрични возила достигнале речиси 20%, а тоа предизвика контроверзии. Купувачите во Кина, кои претходно купуваа автомобили по повисоки цени, почнаа да протестираат. И со право, бидејќи не само што преплатиле, туку сега пазарната вредност на нивните автомобили е помала.
Но, не е само оваа компанија која нагло ја намали цената на електричните возила. Поевтин е и Chevrolet Bolt, а попустите на електричните Hyundai и Ford изнесуваат 8-9%. Изданието Visual Capitalist собра податоци за тоа како електричните автомобили поевтиниле во последните месеци.
Попустите за електрични возила на почетокот на 2023 година за некои модели се следните (по моделот е новата цена, намалената цена и процентуалното намалување)
* Tesla Model Y Long Range – 65.990 долари (53.490 долари) -18,9%
* Chevrolet Bolt EUV 2023 – 33.500 долари (27.200 -18,8%)
* Hyundai Kona Electric 2022 – 37.390 долари (34.000 $ -9,1%)
* Ford Mustang Mach-E GT Еџтендед Рнаге – 69.900 долари (64.000 долари -8,4%)
Печатот брзо објави дека отстапките на Тесла биле чекор на очај. Но, бројките за профит потврдуваат дека тоа е далеку од случајот. Ако го погледнете пазарниот удел на Tesla, станува уште поочигледно дека позицијата на компанијата е многу силна. На американскиот пазар на електрични автомобили, компанијата на Илон Маск има 65%. Kia има 5%, Hyundai има 4%, а Audi, Volkswagen и Rivian по 2%.
Следете не и на:
