Volkswagen покажа дека мислењето на клиентите е важно и ќе ги послуша, иако некои може да мислат дека е тоа извесен чекор назад. Се работи за физичките копчиња на воланот, кои пред 3 години им отстапија место на контролите на допир од двете страни на воланот.
Компанијата беше една од првите што ја воведе оваа функција и секако е прва што се врати и ја отстрани оваа технологија.
Веста за ова ја пренесе лично Томас Шафер кој ова го сподели на социјалната мрежа Линкедин. Тој најави дека компанијата го појаснува своето портфолио и дизајнот и истовремено го поедноставува возењето на автомобилите.
Токму во врска со тоа компанијата ги враќа физичките копчиња на воланот. Говорот завршува со потегот што се прави со слушање што сакаат клиентите.
Веројатно првиот автомобил што ќе добие промени во оваа насока ќе биде новиот Golf, или поточно фејслифтот на моделот од 2018 година.
Следете не и на:
