Електричните автомобили на Mercedes-Benz ќе добијат режим на „автономно дрифтање“. Иако ова повеќе е наменето за моторите со внатрешно согорување, сега може да се внесе и кај електричните модлеи. Но, сè уште е нејасно колку ќе биде корисна таква функција.
Да се направи самоуправувачки дрифт автомобил не е ништо ново. Имплементацијата на технологијата беше демонстрирана на почетокот на оваа година од страна на научниците од Институтот за истражување Toyota и Лабораторијата за динамички дизајн на Универзитетот Стенфорд.
Моделот на Supra што беше создаден можеше да помине тешки делови од патеката, да го менува аголот на лизгање и во дел од секунда да ја пресмета траекторијата на движење кога ќе станат достапни нови податоци.
Компјутерот го контролира воланот, педалот за гас, спојката, секвенцијалниот менувач, како и сопирачките на секое тркало – а можеби токму таква технологија ќе се појави во електричниот Mercedes во иднина.
Јерг Бартелс, шеф на одделот за развој на Mercedes-Benz, зборуваше за тоа во интервју за австралискиот сајт CarSales. Според Бартелс, „автономниот дрифт“ може да се реализира со помош на 2 – 4 електрични мотори, но сепак ви треба многу слободен простор.
Одделно, Бартелс ја спомена функцијата „ротирање на место“ во претстојниот EQG. Сето ова секако изгледа многу импресивно, но во услови надвор од патот, вртењето во место нема да биде од голема корист. „Тоа е нешто што можете да им го покажете на пријателите или соседите. Но, инаку е бескорисно“, вели Бартелс.
Следете не и на:
