И покрај глобалната пандемија, продажбата на мотоцикли и скутери во Европа се зголеми во втората половина на 2020 година. Со мерките за социјално дистанцирање, повеќе луѓе се свртеа кон активности на отворено и индивидуален превоз.
Иако вакцинирањето помогна да се олеснат локалните заклучувања, клиентите продолжуваат да се враќаат во мотосалоните во 2021 година. Во Европа, продажбата на мотоцикли не само што се подобрува во однос на бројките од 2020 година, туку и ги надминува бројките пред пандемијата.
Според Европската асоцијација на производители на мотоцикли (ACEM), регистрациите на мотоцикли во Франција, Германија, Италија, Шпанија и Обединетото Кралство – петте најголеми пазари во Европа – достигнале вкупно 792.819 единици во првите девет месеци од годината. Тоа е зголемување од 10,6 отсто во однос на истиот период во 2020 година.
Тие бројки ја надминуваат продажбата пред пандемијата и во 2019 година, при што Европејците купија 60.225 (8,2 отсто) повеќе мотоцикли до третиот квартал од 2021 година.
Од друга страна, продажбата на мопеди остана стабилна во споредба со податоците од 2020 година. До септември 2021 година, продадени се 206.751 единици на шесте главни европски пазари за мопеди (Белгија, Франција, Германија, Италија, Шпанија и Холандија). Тоа всушност е намалување на перформансите за 0,2 отсто, но индустријата сепак уживаше раст од 6,8 отсто во истиот период во 2019 година.
Иако сега веста е добрите бројки можеби се очекуваат послаби денови. Неколку производители се мачеа да набават полупроводници во текот на 2021 година и претстојниот недостиг на магнезиум може да предизвика уште поголеми проблеми во производството.
Следете не и на:
