И романскиот производител влезе во светот на електричните возила. Иако најголема заслуга за тоа има Renault, сепак Dacia демонстрира дека е повеќе од само обичен бренд.
Откако во март го прикажа концептот и го најави продукцискиот модел, Dacia конечно го претстави продукцискиот модел.
Што се однесува до самата архитектура, ова возило се базира на истата онаа како и Renault K-ZE кој се произведува во Кина и е достапен на кинескиот и останатите азијски пазари. Оттука должината изнесува 3.734 мм, ширината 1.770 мм, висината 1.516 мм додека пак меѓуоскиното растојание 2.423 мм.
Spring располага со електромотор од 33kW кој продуцира 45 КС и 125 Nm обртни моменти. Најголемата брзина е ограничена на 125 км/ч додека автонмијата со едно целосно полнење на батеријата од 26,8 kWh изнесува 225 км однсоно 295 км според WLTP стандардите за градски циклус.
100% полнење на една батерија на куќен полнач трае 14 часа додека со помош на Wallbox од 7,4 kW изнесува 5 часа.
Во производство влегува кон крајот на годината додека почетните цени официјално не се познати. Се шпекулира дека почетната цена во Франција ќе изнесува 15 илјади евра.
Следете не и на:
