Враќање на легендарниот Renault 5 или само желба?

ОБЈАВЕНО НА:

Renault 5 зазема посебно место во историјата на францускиот производител. Овој мал хечбек својата популарност ја стекна на европскиот пазар во периодот од 1972 година до 1996 година.

Поради големата побарувачка, овој е еден од ретките производители кои во Европа, во исто време се произведувале во четири фабрики и тоа Булоњ (Франција), Диеп (Франција), Паленсија (Шпанија) и Ново Место (Словенија).

Иако 24 години нема никакви најави за негово оживување, италијанскиот графички дизајнер Марко Малтезе на своја рака се одлучи да ја “обнови” петката. Тој е независен дизјанер и овој негод рендер не е поврзан со компанијата, туку е пред се негова визија за изгледот на Renault 5.

 

Концептот ја има задржано првичната форма, но со бројни модерни елементи како LED светла, алуминиумски фелни и други дизајнерски детали кои навистина му даваат привлечен дизајн.

Ако евентуално Renault 5 се реши истото возило да го врати на производните патеки сигурно дека ќе биде сериозен конкурент на MINI Cooper SE. Засега е само еден неостварен сон, но којзнае…

Следете не и на:

24AUTO NETWORK