Повеќето светски медиуми уште минатата година пишуваа за планот на FCA за лансирање на пик-ап модел кој се базира на Jeep Renegade. Некои од медиумите пишуваа дека Jeep работи на анализа на пазарот во Латинска Америка за каде овој пик-ап првично би бил лансиран.
Дополнително шпекулациите ги подгреа и Кристијан Mеуниер, првиот човек на брендот Jeep. Тој на прашање на специјализираниот сајт CarSale, ниту ги потврди, а ниту ги отфрли овие шпекулации. „Сè е можно“ изјави тој.
Во меѓувреме се појави и првиот рендер од можниот изглед на овој пик-ап. Истиот би се темелел на истата платформа како и пик-ап моделот Fiat Toro кој се произведува во Гоијана, Бразил. Оттука, и Jeep Renegade би се произведувал во оваа фабрика, а би ги имал истите мотори како и Fiat Toro.
На ниво на шпекулација е и датумот на лансирање. Така се пишува дека овој модел ќе се појави на почетокот на следната година, а главен пазар ќе биде оној во Латинска Америка каде се популарни пик-апите со релативно мали димензии. Таму, овој модел би бил конкурент на Renault Duster Oroch, Volkswagen Tarok, Ford Maverick…
![](https://24auto.mk/wp-content/uploads/2020/06/viber.png)
Следете не и на:
![](https://24auto.mk/wp-content/uploads/2020/04/facebook-1.png)
![](https://24auto.mk/wp-content/uploads/2020/04/instagram-1.png)