Групата Stellantis на своите стратегии за електрификација ќе им даде „ветар во грб“ во 2023 година, кога ќе може да ја искористи новата платформа, способна да гарантира максимален дострел од 800 километри на разните целосно електрични модели. Првите детали за патоказот што детално ќе бидe дефиниран со следниот индустриски план ги откри извршниот директор Карлос Таварес, кој зборуваше за време на состанокот на акционери повикан да ги одобри финансиските извештаи на Fiat Chrysler и PSA.
На истиот состанок беше одобрена и распределбата на вонредната дивиденда од 1 милијарда евра утврдена од двајцата производители во рамките на договорите за спојување.
Кон крајот на 2023 година ќе дебитираaт новата платформа на Stellantis, која ќе биде достапна во четири варијанти:
* мала за сегментите А, Б и Ц, што во 2025 година ќе ја замени втората генерација на eCmp развиена од Французите;
* средна (медиум) за сегментите C и D;
* големаа за D и E сегментите.
* Ќе има четврта варијанта за џипови и пикапи на Е и Ф сегментите.
Таварес ја потврди целта што треба да се постигне, во 2025 година, да има електрифициран опсег за 98% во Европа и 96% во САД. За оваа година имаат за цел, како што веќе откри претседателот Џон Елкан, да се зголеми тројно продажбата на модели во споредба со 2020 година, до 400.000 примероци.
Во 2021 година, 14% од продадените автомобили во Европа ќе бидат електрифицирани, но целта е да се достигнат 38% во 2025 година и 70% во 2030 година.
Во САД, групата има за цел 4% од продажбата до 2021 година, што ќе треба да се искачат на 31% во 2024 година и на 35% во 2030 година.
Понатамошни детали ќе бидат дадени на 8 јули, кога Stellantis ќе одржи настан, наречен „Ден на електрификација“, следејќи го примерот на „Денот на батеријата“ на Tesla или „Денот на напојувањето“ на VW.
Таварес изјавил дека во текот на следните неколку месеци групата ќе одлучи каде да инсталира нови постројки за производство на батерии во Северна Америка и Европа.
Стратегиите за електрификација ќе бидат од централно значење за новиот индустриски план што се подготвува, а кој ќе биде откриен помеѓу крајот на 2021 година и почетокот на 2022 година за време на „Денот на пазарите на капиталот“, односно средба со инвеститорите. Кина, исто така, ќе има централна улога во планот, за кој менаџерот има намера да дефинира „стратегија за победа“ што повторно започнува со досега незадоволително присуство. На кинескиот пазар ќе биде важно да се пронајдат вистинските синергии помеѓу активностите на Fiat Chrysler и PSA.
Следете не и на:
