Renault е обвинет за измама на дизел емисии – мора да плати кауција од 24 милиони долари

ОБЈАВЕНО НА:

„Францускиот дизелгејт“ влегува во судска разрешница, и откако Peugeot доби наредба да плати кауција од 10 милиони евра и плус да остави гаранција од 30 милиони, сега на „дневен ред“ дојде Renault.

На производителот на автомобили му е наредено да плати кауција од 20 милиони евра (24 милиони долари) и да обезбеди банкарска гаранција од 60 милиони евра (73 милиони долари) за покривање на потенцијална штета, казни и надомест на загубите. Renault ги негира обвиненијата против компанијата.

„Renault негира дека сторил какво било прекршок и потсетува дека нејзините возила не се опремени со каков било софтвер за местење уреди за контрола на загадувањето“, додавајќи дека „секогаш ги почитувал француските и европските регулативи“.

Обвиненијата произлегуваат од истрагата за измама на дизели во авто индустријата, по скандалот со VW во септември 2015 година. Во разговор со новинарите, Жил Ле Борњ, шеф на инженерскиот оддел во Renault, рекол дека производителот на автомобили никогаш не користел уреди за мамење како VW.

Спецификите за обвиненијата не се објавени јавно, но официјален претставник на канцеларијата на обвинителството во Париз изјави дека Renault е обвинет за измама со вклучување на производ „што може да ги загрози луѓето и животните“. Разбирливо е дека инволвираните возила се произведени помеѓу 2009-2011 и 2013-2017 година.

Се тврди дека истражителите откриле несовпаѓање до 377 проценти помеѓу емисиите од модулите за време на тестовите и резултатите од реалната употреба од страна на потрошувачите.

 

Следете не и на:

24AUTO NETWORK