Од компанијата Lexus објавија дека за време на меѓународниот саем во Женева на почетокот на март ќе се одржи европската премиера на луксузниот седан ES во верзија без класични странични ретровизори.
Новото надвореши ретровизори се со компактни размери и со висока резолуција, а пренесуваат слика во реално време на два монитори во внатрешноста на автомобилот позиционирани на двата краја на предната табла.
Од Lexus велат дека новиот систем за видливост наназад Digital Side-View Monitor кај ES е отпорен на дожд, снег и маснотија, а опремен е со грејачи и ветува да му даде на возачот одличен поглед за случувањата на страна и зад него.
Дополнителна безбедност се постигнува со интегрирањето на функцијата „широк поглед“ при активирање на индикаторите за насока, рикверц или по желба на самиот возач.
Системот Digital Side-View Monitor ќе биде достапен за нарачка во Велика Британија, Германија, Шпанија и Полска во март, а за другите европски пазари ќе биде воведен до крајот на годината.
Следете не и на:
