Skoda со видео најава за новиот SUV – Kamiq

ОБЈАВЕНО НА:

Уште минатата година Skoda го најави својот најмал SUV во понудата носејќи го називот Kamiq. Сега, во пресрет на европската премиера на продукциската верзија закажана за во Женева во март, чешкиот производител објави тизер видео.

Судејќи по 13 секундното видео предниот дел е составен од два дводелни LED светла, слични како кај Hyundai Kona, што е доста поразлично од моделот претставен во Кина кој веќе се произведува од страна на SAIC Volkswagen.

Инаку она што е познато е дека должината на овој модел, во Европа изнесува 4,390 мм, ширината 1,781 мм, висината 1,593 мм додека меѓуоскиното растојание 2,610 мм. Централно место во понудата ќе зазема 1.5 литарскиот TSI мотор кој доаѓа во комбинација со пет степен мануелен и шест степен автоматски менувач.

На европскиот пазар овој SUV доаѓа во продажба ова лето, а како главни конкуренти се Seat Arona, Renault Capture и Peugeot 2008. Цената останува непознаница, но треба да биде идентична како и Seat Arona.

Следете не и на:

24AUTO NETWORK