Шест финалисти има годинава во изборот на AutoBest. Toa се моделите: Citroen Berlingo/Peugeot Rifter/Opel Combo, Citroen C4 Cactus, Dacia Duster, Ford Focus, Kia Ceed и Toyota Corolla се финалисти за европскиот AutoBest 2019. Овие автомобили ќе се натпреваруваат за наградата ‘Best Buy Car of Europe in 2019‘. Жирито од 31 член ќе ги направи конечните оценки и ќе ги даде своите гласови во наредните недели, а победникот ќе биде објавен на 15-ти декември.
“Годинава имаме рекорден број нови автомобили кои влегоа на финалната листа на европскиот натпревар.Ова е главно резултат на тоа што членовите на жирито одлучија дека новиот модел на PSA групата ќе се натпреварува како еден. Зголемениот број учесници ќе го направи годинешниот натпревар за Best Buy Car на Европа во 2019 година уште возбудлив! Друг прв е Citroen кој е првиот бренд што има два модела во финалето“, рече Дан Варди, основач и претседавач на организацијата AutoBest. Во согласност со правилата, жирито одлучува за бројот на финалисти секоја година.
Наградата ManBest 2018, посветена на најдобрите врвни менаџери што ги имаме во индустријата, отиде кај Линда Џексон, извршниот директор на Citroen, која стана прва жена во алејата на славните на AutoBest
Годинешната DesignBest 2018 награда отиде кај Питер Хорбери, главен дизајнер на Geely Automotive Group. TechnoBest 2018 наградата ја доби францускиот бренд DS за неговото Active Scan ослонување со пионерска употреба на камера, четири сензори за позиционирање и три акцелерометри за скенирање на патот што следи за испакнатините и дупките, соодветно прилагодувајќи ги поставувањата на амортизацијата
Оваа година престижната награда SportBest 2018 отиде кај Toyota Motor Company за исклучителните резултати во мотоспортот.
Следете не и на:
