Долго време проблемите во автомобилската индустрија се поврзуваа со недостатокот на чипови и други важни делови што мораа да се вградуваат. Сега повторно се појавува криза, но таа не е поврзана со недостаок на делови за вградување.
Сега нема доволно возачи на камиони за да испорачаат автомобили! Stellantis и Renault бараат возачи на камиони од своите вработени за да се стави крај на проблемот со испорака на возила.
Концернот Stellantis испратил електронска пошта до своите вработени и објави постери во некои од своите фабрики обидувајќи се да ги убеди работниците да седнат зад воланот на камионот.
Околу 140 вработени веќе се пријавиле, објави компанијата во четвртокот. Stellantis им плаќа на работниците кои ќе изберат да ја променат обуката и надоместоците потребни за да ги добијат потребните возачки дозволи, а исто така размислува да купи камион за да се справи со логистичките тешкотии, објави Блумберг.
Недостигот на возачи на камиони остави илјадници автомобили заглавени во фабриката на Stellantis во Франција кон крајот на минатата година, принудувајќи ја компанијата да паркира многу од нив на напуштен аеродром на неколку километри од фабриката.
Во меѓувреме, истото се обидува да го направи и ривалот Renault, кој започна процес на обука на дел од вработените во фабриката на Adecco Group. Компанијата исто така, забележа проблеми со излезната логистика кога ги објави резултатите за целата година минатиот месец.
Со овој проблем е засегнат и Volkswagen поради што најголемиот европски производител на автомобили не е во можност да испорачува возила на клиентите. Многу европски возачи на камиони дојдоа од Украина и станаа недостапни од почетокот на војната, пренесува магазинот ХАК, со што се продлабочија логистичките проблеми кои започнаа со пандемијата COVID-19 и продолжија со недостигот на чипови.
Следете не и на:
