Најлесниот начин да украдете 100 автомобили одеднаш!

ОБЈАВЕНО НА:

Во текот на минатото лето во Чикаго беше стартувана услугата за споделување на автомобили Car2Go, а компанијата почна со 400 возила Smart и Mercedes. И сè се одвиваше сосема добро до моментот кога апликацијата преку која се одвиваше бизнисот не беше пробиена и 100 автомобили беа украдени од компанијата. Според CBS Чикаго дел од овие автомобили биле користени за извршување на други злосторства.

Сè уште не е точно познато како била пробиена заштитата на Car2Go, за да се воспостави контрола над делот на флотата на компанијата. Во Чикаго, компанијата има одредено површина од 29 квадратни милји, каде возилата треба да бидат оставени после користењето, но клиентите на Car2Go не се ограничени во таа површина кога ги користат автомобилите.

Во Чикаго Car2Go почнаа со малите Smart ForTwo, а потоа во флотата влегоа и поголемите Mercedes CLA/GLA. Поради кражбата, компанијата ја замрзна својата дејност во Чикаго и објави дека „целосно е во служба“ на истрагата за криминалот.

Вќее е потвдено дека крадците не успеале да стигнат до лични податоци или други информации поврзани со клиентите на компанијата. Од CBS Чикаго соопштија дека до моментов полицијата во Чикаго има уапсено 12 лица во врска со истрагата за кражбата од Car2Go, која сè уште не е завршена.

Следете не и на:

24AUTO NETWORK