И во време на криза кога многу производители и импортери имаат проблем околу испорака на возилата до купувачите, од Hyundai промовираат нови автомобили во понудата на Mи-Да Гранд Моторс во Македонија. Во салонот на македонскиот импортер на возила веќе е изложен новиот модел Sonata, кој се нуди со пет нивоа на опременост, и долга листа на стандардна и дополнителна опрема.
Целосно новата Sonata ги освојува срцата и умовите со своите напредни технологии. Неговите напредни технологии за помош на возачот работат беспрекорно за да ве ослободат од грижите и стресот додека возите, за да можете да возите подобро, попаметно и побезбедно.
Sonata се нуди со 2,5 литарски бензински мотор со сила од 180 КС при 6.000 вртежи во минута. Највисокиот вртежен момент е 232 Нм. при 4.000 вртежи. Најголемата брзина што може да ја постигне автомобилот е 210 км/ч. , а забрзува до 100 км/ч. за 9,2 секунди.
Од стилизиран ентериер до динамично возење, Sonata проектира сензуална спортска активност која послужи како водечки концепт во нејзиниот развој. Бидејќи современите возачи сакаат паметно и персонализирано искуство, Sonata одговара на предизвикот со пакет за поврзување и практични функции. Без разлика на вашиот животен стил, Sonata одлично ќе се вклопи, што ќе ви ја отвори вратата на сосема нов свет на уживање и слобода во возењето.
Сите модели се со автоматски 6 степен менувач. Понудата почнува со Comfort, продолжува со Style, Premium, Impression и Ultimate.
Hyundai Sonata во Македонија
Со должина од 4900 мм. Sonata е одлична за патувања, има доволно простор и на предните седишта и на задната клупа. Тоа го овозможува меѓуоскиното растојание од 2.840 мм. Багажникот има зафатнина од 510 литри. Во зависност од пакетот на опременост може да се нуди со бандажи од 16 инчи, од 17 или 18 инчи.
Моделот има освоено високи награди со своите иновативни карактеристики на дизајнот. Високотехнолошкиот изглед на Sonata е нагласен со LED комбинација на задни светла и достапни целосно LED предни светла.
View this post on Instagram
Гаранцијата е стандардната што се нуди од Hyundai за Македонија, односно 5+2 години, и со неограничен број на изминати километри.
Цената на Sonata за основното ниво на опременост Comfort е 29.900 еврра.
Повеќе информации за новата Sonata можете да добиете во салонот на Ми-Да Гранд Моторс, што се наоѓа на бул. Босна и Херцеговина.
Следете не и на:
