Kia и Genesis на врвот на J.D.Power листата – Porche 911 е најдобар модел

Познатиот J.D.Power ја објави студијата за сигурност на возилата за 2022 година. Kia и Genesis ги освоија врвните почести во категориите на масовен пазар на автомобили и премиум возилата. Hyundai се рангираше две места под Kia, веднаш зад Buick. Toyota и Dodge ги заокружуваат првите пет најсигурни марки на масовниот пазар. Lexus, Porsche, Cadillac и Lincoln ја комплетираат листата во премиум категоријата.

Анкетата на J.D. Power опфати барање од сопствениците да дадат повратни информации за девет главни категории, вклучувајќи погонски агрегат, инфозабавна технологија и искуство во возењето.

Врз основа на овие повратни информации, J.D. Power пресметал резултат врз основа на скала од 1000 поени за да идентификува со колку проблеми се соочува сопственикот на 100 возила (PP100). Kia постигна резултат од 145 PP100, додека Genesis постигна резултат од 155 PP110.

Целосното рангирање за брендови на масовен пазар е:
Kia – 145
Buick – 147
Hyundai – 148
Тојота – 158
Dodge – 166

Еве го рангирањето за премиум категоријата:
Genesis – 155
Lexus – 159
Porsche – 162
Cadillac – 168
Lincoln – 180

Сопствениците продолжиле да се жалат на инфозабавните системи, што е категорија која забележа повеќе од двојно повеќе поплаки од која било друга. Потрошувачите најмногу се бунеа околу вграденото препознавање глас, поврзувањето со Android Auto и Apple CarPlay, вградените Bluetooth системи и недостатокот на порти.

Студијата на J.D. Power нуди подалеку од само рангирање на брендови. Извештаите исто така ги идентификуваат врвните модели во различни сегменти, од компактни од масовниот пазар до големи луксузни теренци. Меѓу моделите на масовниот пазар што се најдоа на врвот на листата на J.D. Power се и Ford Mustang, Toyota Corolla и Mazda Miata.

Lexus има три модели во категоријата на премиум брендови со UX, NX и RX. Porsche Cayenne, исто така, влезе во рангирањето, а J.D. Power забележува дека Porsche 911 беше оценет како најсигурен модел во студијата.

Целосната листа е подолу:

Следете не и на: