Германците повторно се на врвот според продажбата на нови автомобили во Европа, според податоците на JATO Dynamics. Според податоците, најпродаван нов автомобил во јуни е Volkswagen Golf со 27.247 продадени возила (+ 12%). На второ место е Tesla со 25.569 единици (+ 262%), а на третото место е Dacia Sandero со 22.764 возила (+ 10%).
Во јуни, вкупниот резултат на европските пазари кои влегуваат во истражувањето од JATO Dynamics достигна ниво од 1,27 милиони возила, што е за 13% повеќе отколку во јуни 2020 година, но и 14% помалку отколку во јуни 2019 година.
Во однос на рангирањето во ТОП 3 на најпродаваните нови автомобили во Европа минатиот месец, треба да се напомене дека додека Golf доминираше во мај 2021 година, за Tesla Model 3 немаше место во Топ-10 за месецот со само 8.762 единици доставени возила. Од друга страна, Dacia Sandero бележи постојан раст врз основа на перформансите на пазарот во мај, кога објави 15.040 продажби.
ВО ТОП 10 најпродавани нови автомобили во Европа во јуни 2021 година ги вклучуваат и Renault Clio (22.254), Fiat 500 (22.179), Toyota yaris (21.698), VW T-Roc (21.576), Opel Corsa (21.124), Renault Captur (20.168) и VW Polo (18.789).
Според JATO Dynamics, моделот Ford Kuga ја одржува водечката позиција при продажба на хибриди со полнење (PHEV), генерирајќи 6.331 продажба за марката во јуни.
Кај 100% електричните автомобили, Tesla Model 3 води во јуни со 25.476 продажби, а ТОП 5 ги вклучува Renault ZOE (8217), Volkswagen ID.3 (6999), Volkswagen ID.4 (6315) и SKODA Enyaq (5949).
Следете не и на:
