Fiat пред само еден месец го најави доаѓањето на малиот кросовер Pulse за јужноамериканскиот пазар кој се базира на моделот Argo. Пред две години го претстави и концептот Fastback чија премиера треба да се случи следната година, а сега се појавија и шпекулациите за уште еден кросовер.
Се работи за компактен кросовер од “Ц” наменет исто така за јужноамериканскиот пазар, а кој ќе дојде во текот на 2023 година.
На интернет се појави и неофицијален рендер од кросоверот Toro кој за основа ја има платформата на Citroen C5 Aircross, а токму страничните детали и формата се позајмени од овој кросовер. Предниот дел во целост е пресликан од пикап моделот Toro кој веќе пет години се произведува во Бразил.
Засега нема информации дали кросовер со овие димензии ќе се појави и во европската понуда на Fiat. За потсетување, италијанскиот производител потврди дека од следната година во Европа ќе биде воведен нов кросовер од “Б” сегментот кој ќе се произведува во Полска.
Следете не и на:
