Уште порано годинава германскиот производител ги објави своите планови во поглед на SUV сегментите. Покрај новите Q8, Q3 и E-Tron, Аudi објави дека ќе го лансира и новиот Q4.
Неколку месеци пред стартот на производството, Audi активно работи на тестирање на овој модел, а токму фотографии од тестирањето се појавија на интернет. Иако маскиран, од фотографиите може да се утврди дека овој модел во целост ја следи дизајнерската филозофија применета кај другите SUV модели на Audi и оттука не треба да очекуваме драстичен изглед.
Она што е познато од претходно е дека овој модел ќе се позиционира помеѓу Q3 и Q4. Ќе се базира на MQB платформата, а во поглед на димензиите ќе биде за само неколку милиметри поголем. Во внатрешноста доаѓа со најновата технологија која вклучува и 12.3 инчна инстурментална табла придружена од 8.8 инчен инфотејнмент дисплеј.
Во поглед на моторите се очекува Q4 да биде понуден со истите мотори како и Q3, а централно место ќе заземат 2.0 литарските дизелски и бензински мотори.
Според информациите овој модел во својата продукциска изведба ќе дебитира на саемот во Детроит на почетокот на следната година. Токму и следната година ќе се започне со производство на овој модел кој ќе се произведува во фабриката на Audi во унгарскиот град Ѓер од каде ќе се дистрибуира на глобалниот пазар.
Следете не и на:
