Green NCAP ги објави резултатите за еколошките перформанси на денешните автомобили и промовира возила со најмало влијание преку систем за оцена со ѕвезди.
Green NCAP објави дека севкупниот победник во 2022 година – автомобилот со најмало влијание врз животната средина – е Dacia Spring. Опремен со електричен погон, Spring постигна севкупен рејтинг со пет ѕвезди и ги надмина другите електрични возила како што се Tesla Model 3 и Cupra Born.
Оценката е дадена врз основа на резултатите од тестовите за ефикасност во текот на целата 2022 година. Во нив, компактниот електричен SUV постигна највисока оценка во индексот за енергетска ефикасност Green NCAP и, врз основа на оваа оценка, беше прогласен за најдобар автомобил во целина од организацијата.
Романскиот градски автомобил постигнува максимални резултати во Индексот за чист воздух, но исто така го постигнува и највисокиот Green NCAP резултат со досега недоделени 9,8 поени во индексот на енергетска ефикасност.
Така, Dacia Spring добива вкупен рејтинг од 9,9 и го зазема првото место на ова рангирање.
На листата следи Tesla Model 3 (вкупен резултат 9,8), а третата позиција е на NIO eT7. Првата петорка ја комплетираат Renault Megane E-Tech и Cupra Born, кои постигнуваат вкупен резултат од 9,6.
Audi Q4 e-Tron и Hyundai Ioniq 5 исто така добиваат пет ѕвезди од Green NCAP, но сепак оценките за енергетска ефикасност на овие автомобили се пониски и ја прават критичната разлика во вкупниот резултат на автомобилот. За разлика од Dacia Spring, овие автомобили немаат доволно ниски вредности на потрошувачка и соодветно не ги добиваат најдобрите резултати.
Следете не и на:
