Consumer Reports 2020: Mazda прави најдоверливи автомобили

ОБЈАВЕНО НА:

Во извештајот на Consumer Reports се наведува дека „Или имаме недоволни податоци или производителот има премалку модели за да ги рангираме брендовите како што се Acura, Alfa Romeo, Chrysler, Fiat, Genesis, Jaguar, Land Rover, Maserati и Mitsubishi“. Затоа и ги нема во рангирањето

На американско тло, извештајот на Consumer Report за доверливоста на автомобилите е еден од најважните. Во годинешното издание, учествувале дури 300.000 возачи кои ги доставиле своите податоци за доверливоста и издржливоста на нивните модели на возила. Се разбира, во извештајот има многу брендови кои не се достапни во Европа, но исто така и оние што се продаваат на нашиот континент.

Оваа година првото место и припаѓа на Mazda, второто на Lexus, а третото на Toyota. Четвртата најсигурна марка е Buick, а петта е Honda.

Во средината на рангирањето или во долниот дел се европските брендови како Mercedesс (20), Volkswagen (24), Volvo (18), Audi (14) и BMW (12). Најдобрата европска марка е Porsche на 9-то место, а на самото дно според сигурноста се американските производители Tesla и Lincoln.

Во случај на победникот Mazda, Consumer Reports ги пофалува мудрите тактики со конзервативните редизајни кои не вклучуваат нова и непроверена технологија, платформи за подобрување на квалитетот и сигурни мотори.
Mazda добила вкупен просечен резултат од 83 поени на скала од 0-100 поени, со просечно рангирање на брендовите помеѓу 41 и 60 поени. Рангирањето е „засновано на просечната предвидена оценка за сигурност за возилата во моделот на марката“, според анализата.

Извештајот вклучува седум различни нови возила во просек на Mazda. MX-5 Miata добила 98 поени, CX-30 добил 95 поени, CX-3 добил 87 поени, CX-5 добил 85 поени, CX-6 добил 80 поени, CX-9 добил 70 поени и CX-3 доби 64 поени.

Инаку при правењето на извештајот возачите се жалат на речиси сè, од дефекти на системот за инфо-забава, менувач, мотор до проблеми со бојата.

Најлошиот автомобил е Tesla Model Y со неверојатни проблеми како непрофесионално поставени панели, па дури и влакна на косата што останаа при нанесување на боја.

Што се однесува до најквалитетните модели, на прво место е Toyota Prius, по што следат Lexus NX, Buick Encore, Lexus GX, Honda HR-V, Toyota Prius Prime, Hyundai Kona, Audi A5, Audi A4 и Mazda CX-5.

Следете не и на:

24AUTO NETWORK