Volvo го прескокнува саемот во Женева

ОБЈАВЕНО НА:

Традиционалните саеми за автомобили полека, но сигурно ја губат својата популарност. По откажувањето на учеството на 10-тина брендови на саемот во Париз кој е закажан за октомври годинава, и по неучеството на неколку други авто брендови на саемот во Детроит закажан за почетокот на следната година, веќе започнаа и откажувањата од популарниот саем во Женева.

Прв кој повлече нога од овој саем е шведскиот производител Volvo. Како што соопштуваат од таму, Volvo во наредниот период ќе го ограничи учеството на ваквиот вид на изложби и ќе се фокусира на нови специфични видови на маркетинг комуникации со целната група.

“Постојаната промена во автомобилската индустрија создава нови публики и нови начини на пренесувањето на производите на пазарот” изјави Бјорн Анвал, заменик претседателот во секторто на маркетинг и продажба на Volvo.

Во наредниот период се очекува се повеќе и повеќе авто производители да го откажуваат учеството на овој вид традиционални изложби и се повеќе да ја употребуваат креативноста во алтернативни начини на претставувања на возилата.

Следете не и на:

24AUTO NETWORK