Се отвора нова афера околу мамењето со издувните гасови кај автомобилите, и после германските компании, сега нешто слично е откриено и во Франција. Таму истрагата за наводните измами на емисии од страна на PSA Group откри дека сомнителен софтвер се употребувал на речиси 2 милиони возила што ги продава производителот објави весникот Ле Монд.
PSA негира каква било употреба на лажни софтвери кај моторите. Уредите што се користеле го ограничуваат издувниот излез на токсичните азотни оксиди (NOx) под регуларни услови на тестирање, додека дозволувајќи им на емисиите да ги надминат законските ограничувања во возењето во реалниот услови.
Во февруари, PSA стана четврти производител на автомобили што требаше да биде испитан од француските обвинители од страна на надзорниот одбор на DGCCRF во земјата поради сомневањата за мамење на емисии, откако истото беше сторено и со Volkswagen Group, Renault и Fiat Chrysler Automobiles.
Шефот за инженерство на PSA во тоа време потврди дека третманот на емисијата на гасови во дизелите на компанијата беше намерно намален на повисоки температури за да се подобри ефикасноста на горивото и емисиите на јаглерод диоксид (CO2) во возењето надвор од градот, каде што излезот NOx се смета за помалку критичен.
Според весникот Ле Монд, внатрешен PSA документ добиен од истражувачите на DGCCRF вклучува дискусија за потребата да се направи уредот помалку очигледен и видлив.
Сепак PSA инсистира дека нема ништо измамничко или нелегално во врска со неговите калибрации на моторот. “PSA негира каква било измама”, соопшти компанијата во петокот. PSA соопшти дека нејзината стратегија за сетирање на моторот е за издув на емисиите на ниски NOx во градовите, притоа обезбедувајќи најдобар баланс на NOx / CO2 на отворени патишта.
Во својата изјава PSA тврди дека е единствениот производител на автомобили што објавува емисии на CO2 во реалниот свет, пристап кој ќе биде продолжен и за емисиите на NOx до крајот на годината.
Следете не и на:
