Производството ги нагласува синергиите и ефикасната соработка во рамките на Volkswagen Group ...
Škoda Auto произведува батерии во својата фабрика во Млада Болеслав од 2019 година, првично за plug-in хибридни модели, а подоцна и за електрични возила базирани на технологијата MEB.
Системите за батерии моментално се користат во Škoda Enyaq и новиот Elroq, како и во други брендови на групацијата Volkswagen, како што се Volkswagen, SEAT/CUPRA и Audi.
Сегашниот фокус исклучиво на производство на батерии MEB, со дневен капацитет од 1.500 единици.
Производството ги нагласува синергиите и ефикасната соработка во рамките на групацијата Volkswagen.
Овие батерии, со капацитет кој се движи од 55 до 91 kWh (нето капацитет од 52 до 86 kWh), се инсталирани во возилата на Škoda Enyaq и Škoda Elroq, како и во другите брендови на групацијата Volkswagen, како што се Volkswagen, SEAT/CUPRA и Audi.
Андреас Дик, член на одборот на Škoda Auto за производство и логистика, рече: „Достигнувањето на пресвртницата од еден милион батериски системи произведени од Škoda Auto за возилата на групацијата Volkswagen е доказ за посветеноста на нашиот тим и блиската соработка помеѓу различните марки. Ова достигнување, исто така, ја нагласува нашата посветеност на одржлива мобилност и нашиот придонес во трансформацијата на индустријата кон позелена иднина. Сега одиме напред со решителност: изградбата на нова фабрика за батериски системи во Млада Болеслав веќе е во тек“.
Секоја смена има околу 90 вработени кои работат во производна површина од околу 10.500 m². Покрај тоа, 82 целосно автоматизирани роботи се грижат за задачи како што се ракување со особено тешки компоненти. На секои 60 секунди се произведува батерија за модели базирани на MEB технологија. Кога се растовара од производната линија, секоја батерија тежи околу 490 килограми (82 kWh).
Литиум-јонските батерии произведени во Млада Болеслав се со модуларен дизајн, што овозможува производство на широк спектар на високонапонски батерии. Овие се состојат од 8 до 13 модули од 16 до 26 ќелии, кои нудат капацитет од 55 до 91 kWh (нето капацитет: 52 до 86 kWh).
Уникатна технологија на производство: томографски центар
Во јуни, Škoda Auto инаугурираше најсовремена постројка за оптимизирање на процесот на контрола на квалитетот на склопените батерии. Уникатниот систем користи технологија за компјутерска томографија (computed tomography – CT ), која може да фати сложени внатрешни детали од 4 микрони (четири илјадити дел од милиметарот).
Оваа технологија обезбедува високо детално сликање ( скенирање) на внатрешните компоненти на батеријата, што овозможува да се идентификуваат потенцијалните неправилности во поединечни делови без да се расклопува целиот батериски систем. Дополнително, системот може да се користи за испитување на клетки кои веќе биле во функција.
Следете не и на:
