Компанијата Singapore Airlines објави дека планира да стартува со авионска линија која ќе биде најдолгиот комерцијален лет во светот. Тоа би требало да се случи во октомври, а летото би треел 19 часа без прекин од Сингапур до Њујорк.
Растојанието кое ќе се минува ќе изнесува 8.277 морски милји односно 15.329 километри. Ќе се мине со авион со 161 место за бизнис со економска класа, а со тоа ќе се најде пред досегашниот лидер со најдол лет од 7.843 морски милји, Qatar Airways од Доха до Оукленд.
Многу авионски компании меѓу кои е и Singapore Airlines, австралиската Qantas Airways и компанијата United Continental Holdings сместена во САД, додаваат летови со ултра долги релации, кои се покажуваат како 20 проценти поекономични од летовите кои вклучуваат едно до две запирања.
Singapore Airlines објави и дека планира да воведе летови од Сингапур до Лос Анџелес , но тоа би требало да се случи подоцна. Авиокомпанијата го очекува првиот авион A350-900ULR кон крајот на септември, а сите седум авиони од овој тип кои се порачани би требало да бидат испорачани до крајот на годината.
За да може да ја мине релацијата од 15.329 километри Airbus A350-900ULR ќе превезува 120 тона гориво, а 90 проценти ќе ги потроши за време на патот.
Во споредба со актуелниот лет од Сингапур до Њујорк преку Франкфурт ќе се заштедат најмалку пет часа. Во однос на најбрзото патување меѓу двата града, кое го има Eva Air преку Тајпеј се заштедуваат два часа.a
Следете не и на:
