И официјално, Honda ја претстави новата, четврта генерација од моделот Jazz односно Fit за американскиот пазар. Новата генерација доаѓа со целосно нов надворешен и внатрешен изглед како и Crosstar верзија.
Во однос на мотористиката, новиот Jazz доаѓа со 1.0 и 1.5 литарски бензински мотор чиј доополнителни технички карактеристики ќе бидат откирени следните неколку денови.
Тука е и целосно хибридната верзија која ќе располага со 1 киловат часовна литиумско-јонска батерија и електричен генератор. Со ова Honda на “Стариот континент” ќе понуди автомобил кој во целост ги исполнува WLTP стандардите за издувни гасови, а воедно ќе биде конкурентен на новиот бран во автомобилската индустрија предводен од хибридните и целосно електричните автомобили.
Покрај основниот Jazz Basic, во Јапонија овој модел ќе се понуди во пет различни верзии вклучувајќи ги и Home, Ness, Crosstar и Luxe верзија.
Во производство, а воедно и во европската понуда, Jazz се очекува да дојде не подоцна од првата половина следната година.
