Што треба да очекуваме на саемот во Лос Анџелес?

ОБЈАВЕНО НА:

Последниот голем авто саем започнува на 30 ноември годинава. Лос Анџелес е местото каде бројни производители ќе имаат можност да го претстават последниот новитет во оваа календарска година, а истовремено да ја најават и иднината.

Покрај домашните брендови Cadillac, Chevrolet, Dodge, Tesla, Ram, Chrysler, Ford, GMC, Jeep, на овој саем меѓудругите ќе земат и јапонските Honda, Toyota, Hyundai, Genesis, Lexus, Subaru, европските Mercedes, Maserati, Alfa Romeo, Fiat, Volkswagen како и многу други производители ширум светот.

Иако на претходните саеми годинава во Париз, Сао Пауло, Женева, Детроит, Њујорк, Токио, овие производители прикажаа бројни конепти и новитите, овој саем во Лос Анџелес нималку нема да биде непривлечен.

Четири автомобили ќе бидат во центарот на вниманието. Станува збор за концептот e-tron GT на Audi кој уште порано годинава го најави ова купе како и најголемиот SUV на BMW, моделот X7 кој конечно ќе го има своето деби. Во центарот на вниманието ќе биде новата генерација на Mazda 3 која доаѓа како конкуренција на Golf VIII, а тука ќе биде и дебито на 911 на Porsche.

Германскиот BMW покрај најголемиот SUV во понудата, на својот штанд ќе ја престави и кабрио изведбата на серија 8, новата серија 3 како и Vision iNEXT концептот.

Image result for Vision iNEXT

Неколку новитети ќе претстави и Toyota. Покрај хечбек изведба на Corolla која беше веќе претходно премиерно претставена, тука премиерата ќе ја има седан изведбата на Cofolla како и моделот Prius. Покрај новата генерација на моделот 3, Mazda ќе настапи и со CX-9 како и CX-5 кој доаѓа со нов турбобензински мотор.

Не се очекуваат особени новитети и кај останатите јапонски производители како Subaru, Honda, Lexus, Acura, Nissan и Mitsubishi кои акцентот на својата презентација на овој саем ќе ја имаат на SUV моделите.

Image result for Mitsubishi la 2018

Kia меѓудругото на овој саем ќе ја претстави и новата генерација на Soul чија продажба ќе стартува од следната година. Братската компанија Hyundai на овој саем ќе го претстави својот најголем SUV кој ќе го носи називот Palisade, а ќе биде наследник на Santa Fe XL.

Mercedes и на овој саем акцентот ќе го постави на својата електрична иднина прикажувајќи го моделот EQC. Секако тука ќе биде и најновата нерација на GLC, а можно е да биде прикажана и електричната изведба на G класата.

По прескокнатите неколку саеми FCA во целата своја линија ќе настапи на овој саем. Fiat покрај семејството на 500, ќе ја прикаже и Abarth изведбата на 124. На штандот на Alfa Romeo ќе бидат прикажани Ti Sport и Quadrifoglio Nero Edizione изведбата на Giulia и Stelvio. Тука ќе биде уште 4C Spider Italia.

Со целата гама на овој саем ќе настапат и Maserati, Dodge и Chrysler додека Jeep покрај своите познати SUV возила ќе има и една светска премиера.

Секако, ова само дел од најавата и она што треба да го очекуваме на овој сам. Полека, но сигурно, како се прибилижува истиот, се очекува производителите да ги обелоденуваат своите адути за овој саем.

Следете не и на:

24AUTO NETWORK