Ford Fiesta ST со 200 КС од три цилиндри (Фото)

ОБЈАВЕНО НА:

На една недела пред почетокот на саемот во Женева, Ford ја претстави новата генерација на Fiesta ST. Неодамна беше објавено и првото тизер видео.

Создадена на основата на регуларната верзија, силниот хечбек користи новоразвиен 1.5 литарски три цилиндричен EcoBoost бензински мотор и има 200 КС, и 290 Нм вртежен момент. Овие перформанси му овозможуваат до 100 км/ч да забрзува за 6,7 секунди, односно 0,2 секунди побрзо од порано.

Корисниците може да изберат меѓу три различни возачки модули: Normal, Sport и Track, со што се овоможува моторот, управувањето и контролата на стабилноста да биде конфигурирана од возење на автопат до тркачки услови.

Технологијата што се користи овозможува исклучување и повторно вклучување на еден цилиндер за 14 милисекунди, или 20 пати побрзо од трепкањето на окото. Со тоа се намалува и потрошувачката на гориво и емисијата на ЦО2 на 114 г/км.

Моделот е достапен во верзија со три и пет врати, и доаѓа со различен внатрешен ентериер што се разликува од основните модели, и има уникатна предна маска, специјални браници на двата краја, спојлер на покривот и 18 инчни бандажи со различен изглед.

Во внатрешноста новиот „жежок“ модел има Recaro седишта и рамен долен дел на управувачот, а купувачите ќе може да изберат меѓу поголемата можност за персонализација во однос на порано, вклучувајќи и и украсни делови за воланот, на рачката од менувачот, рачките на вратите и декорачии на инструмент таблата.

Во центарот на централната конзола има SYNC 3 инфо забавен систем, што користи 8 инчен дусплеј, и има многу дополнителни детали како гласовни команди, навигација, поврзување со смартфоните преку Andoid Auto и Apple CarPlay. Автомобилот истовремено е опремен со B&O Sound System.

Новата генерација на Ford Fiesta ST ќе биде достапна за продажба на почетокот на 2018 година. Цените дополнително ќе бидат објавени.

Следете не и на:

24AUTO NETWORK