Она што беше најавено уште раната пролет и конечно се официјализира – Volkswagen го претстави моделот Taos наменет за американскиот пазар.
Станува збор за SUV модел именуван според градот Taos во Мексико. Се темели на истата архитектура и технологија како и моделот Volkswagen Tharu кој од 2018 година се произведува и продава во Кина.
Сепак американската верзија е за малку димензионално помала. Должината изнесува 4.465 мм, висината 1.632, ширината 1.841 додека пак меѓуоскиното растојание 2.690 мм. Багажниот простор изнесува 796 литри, а максималниот багажен простор 1.877 литри.
Во однос на мотористиката, централно место во понудата ќе заземе 1,5 литарскиот четирицилиндрен турбо бензински мотор со 118 kw односно 160 КС и 250 Nm обртни моменти. Купувачите ќе може да одбираат помеѓу верзии со погон на двете предни или сите четири тркала како и осум степен автоматски или седум степен менувач.
Во стандардната опрема доаѓа со дигитална инструментална табла како и 8 инчен инфотејнмент систем. Тука се и добро познатите системи за безбедност и асистенција на возачот како и оние кои овозможуваат одлична комоција при патувањето, како на кратки така и на долги дистанци.
Производството стартува следната година во Пуебла, Мексико. Почетната цена сеуште не е позната, но е познато дека ќе биде понудена со три нивоа на опременост.
Следете не и на:
