Во пресрет на премиерата закажана за 16. април на саемот во Шангај, јапонскиот производител Nissan објави официјални фотографии од новата генерација на Sylphy.
Моделот кој во нашето подневје е попознат како Sentra е со должина од 4,651 мм, ширина од 1,815 мм, и висина од 1,450 мм. Во споредба со актуелната трета генерација, овој модел има поголемо меѓуоскино растојание за 12 мм и изнесува 2,712 мм.
Сето ова придонесува за многу поголем простор во внатрешноста особено за патниците на задната клупа. Кога сме кај внатрешноста, иако нема официјални информации и фотографии, сепак внатрешноста според шпекулациите ќе биде на премиум ниво, а меѓудругото ќе има централно поставен дисплеј осетлив на допир со AppleCarPlay и Android Auto.
Во однос на моторите, централно место во понудата ќе заземе 1.6 литарскиот атмосферски бензински мотор со 139 КС достапен со мануелен и автоматски менувач.
Иако нема официјално информации, сепак се претпоставува дека овој модел ќе биде достапен само на кинескиот пазар.
Следете не и на:
