Брендот Haval, кој е дел од концернот Great Wall Motors, претстави нов компактен кросовер, наречен Chulian (прва љубов). На кинескиот пазар возилото се нуди со тоа име, а подоцна стилскиот модел ќе се извезува и во други земји.
Компанијата првпат го демонстираше автомобилот за автомобилскиот саем во Пекинг во септември во 2020 година. Сепак, тогаш беше покажан претсерискиот прототип, а сега веќе сериската варијанта на новиот кинески кросовер.
Новиот модел ќе го замени моделот Haval H2 на пазарот, кој се произведува во период од седум години и се наоѓа во пониската пазарна класа. Новиот Haval Chulian е базиран на модулната платформа L.E.M.O.N., која исто така е во основа на бруталниот СУВ DaGou и H6. Кросоверот има 4.472 мм должина, 1.841 мм ширина, 1.619 мм висина и растојание меѓу оските од 2.700 мм.
Внатрешноста на Haval Chulian е стилски и модерен. На предниот панел практично нема физички копчиња, а опремата вклучува и дигитална табла за управување и мултимедиски систем со 10,25 инчен екран (во топ верзиите размерот достига до 12,3 инчи).
Има и голем head-up дисплеј, а тркалезниот електро тио на диск ја замени традиционалната рачка на менувачот. Моделот исто така има и широка понуда на системи за потпомагање на возачот, дури и камера, која ја следи состојбата на возачот.
Под капакот на новиот кросовер Haval се наоѓа 1.5-литарски бензинов турбомотор со моќност од 150 коњски сили и вртежен момент од 220 Нм, кој е поврзан со седумстепен роботизиран менувач со двојна спојка.
Новитетот во моментов е достапен само на домашниот пазар во „Небесната империја“, но подоцна ќе се појави и во други земји. Во текот на следната година производителот ветува дека ќе претстави уште неколку модификации на моделот Chulian. Цената в Кина варира од 15.000 до 19.000 долари во зависност од конфигурацијата и опремата.
Следете не и на:
