Организаторите на конкурсот Женски автомобил на годината во светот или скратено WWCOTY, ги објавија најдобрите автомобили во избор на жените за 2021 година. 50 новинарки од 38 земји распостранети на 5 континенти го дадоа својот придонес во изборот на најдобрите автомобили 9 категории.
“Оваа година, гласањето беше многу комплицирано поради пандемијата која ја лимитираше можноста да сите членови на жирито ги возат номинираните автомобили” стои во соопштението на организаторот.
Сепак и покрај тоа за најдобар урбан автомобил беше избран Peugeot 208 кој во финалето освои повеќе поени од Toyota Yaris и Honda Jazz. Во категоријата семеен автомобил победник е Skoda Octavia, а во оваа категорија во финалето номинирани беа и BMW серија 4 и Audi A3.
За најдобар луксузен автомобил беше избран Lexus LC500 Cabrio , а во категоријата на спортски автомобил Ferrari F8 Spider заврши на тронот пред Maserati MC20 и McLaren GT.
Peugeot 2008 е второт награден автомобил од овој бренд кој пред Renault Captur и Kia Sonet е избран за најдобар градски кросовер. Во конкуренција на SUV со средна димензија, жените за најдобар го избраа Land Rover Defender додека Kia Sorento е омилен женски SUV возило во конкуренција на големи SUV возила.
Наградите ги освоија:
-Најдобар градски автомобил- Peugeot 208
-Најдобар семеен автомобил- Skoda Octavia
-Најдобар луксузен автомобил- Lexus LC500 Cabrio
-Најдобар спортски автомобил- Ferrari F8 Spider
-Најдобар градски СУВ – Peugeot 2008
-Најдобар теренец од средна големина- Land Rover Defender
-Најдобар голем СУВ- Kia Sorento
-Најдобри 4х4 и пикап- Ford F-150
-Најдобар електричен автомобил- Honda е
Следете не и на:
