Многуфункционалниот патнички и леснотоварен модел Vito на Mercedes-Benz годинава полни 25 години од своето постоење на пазарот. После повеќе од 1,8 милиони реализирани примероци од лансирањето во 1996 година, Mercedes-Benz ја награди верзијата 2020 година на Vito со додавање на нови стандардни системи за зголемување на безбедноста, вклучително Rear Cross Traffic Alert со функција за препознавање на транспортно средство во мртвата точка на погледот на возачот.
Основата е дополнително надградена, исто така со автоматски систем за сопирање во случај на вонредна состојба, дигитален ретровизор, адаптивен DISTRONIC и друго.
Актуелната верзија на Mercedes-Benz Vito е достапна во пет дизелски верзии на моќ, со оглед на тоа што топ понудата ветува максимална моќност од 237 коњски сили и максимален вртежен момент од 500 Нм, и можност за поминување на секои 100 километри со просек од 6,4 литри гориво. Моделот располага исто така со обновен и подобрен инфо-комуникациски и мултимедиски систем, 9G-Tronic автоматски менувач, воздушно перниче AIRMATIC и друго.
Во текот на пролетта минатата година, Mercedes-Benz демонстрираше нова верзија на целосно електричната модификација на Vito- eVito, која во комбинација со eSprinter, ќе стане главен дел од возниот парк на Amazon во Европа.
Следете не и на:
