Пред само некоја недела пишувавме за тоа дека моделот 206 на Peugeot и натаму се активно се произведува. Сега налетавме на информација и за тоа сеуште трае производството на моделот 405.
Овој седански автомобил започна со производство во 1987 година во Франција и за европскиот пазар се произведуваше се до 1997 година. Во меѓувреме, се одвиваше производството во Аргентина, Чиле, Египет, Индонезија, Полска, Тајван, Велика Британија и Зимбабве.
405-та чиј дизајн е дело на Pininfarina, заклучно оваа година се произведуваше во фабриката на Iran Khodro, а од минатата година започна и производството во Хазар, Азербејџан и тоа цели 32 години од првото појавување на овој модел.
Дизајнот во целост е идентичен како и првичниот со одредени помали измени. Во понудата доаѓа со два мотори, 1,6 литарски бензински мотор со 100 КС и 1,6 литарски дизелски со 106 КС.
Во Азербејџан се продава и со понапредна опрема како клима уред, две воздушни перничиња, а овозможено е и влез во автомобилот без клуч. При тоа цената во оваа земја изнесува 9.250 евра.
Следете не и на:
