Иновација: Фаровите на Mercedes за поголема безбедност во сообраќајот (Видео)

ОБЈАВЕНО НА:

Фаровите не се само за осветлување на патот пред возилотo, тие се повеќе од тоа. Барем така е за секторот за развој и иновации на Mercedes кој ги претстави т.н. Digital Light фаровите кои се целосна иновација во поглед на функцијата.

Оваа нова технологија германскиот производител ја претстави на моделот Maybach S, а е сочинета од можноста да се продуцираат најразлични светлосни сигнали на патот пред автомобилот. Системот содржи одредени основни функции на класичниот “Head-Up” дисплеј како и сет на висококвалитетни LED светла благодарение на кои прецизно се исцртуваат предефинираните симболи на асфалтот во текот на возењето, а постои можност и за слободно испишување на одредени пораки.

Од Mercedes наведуваат дека оваа технологија е осмислена со цел дополнително да ги предупреди возачите за некои опасности на патот или пак да ги предупреди останатите возачи за тоа.

Покрај LED светлата, системот се состои и од камери и сензори кои се задолжени за детекција на потенцијалните опасности во сообраќајот. Германскиот прозиводител наведува дека оваа технологија може да биде искористена и како навигација со тоа што на асфалтот ќе се “исцртуваат” насоките на движење.

Сеуште не е јасно дали, кога и кај кои модели ќе дебитира оваа технологија.

 

 

Следете не и на:

24AUTO NETWORK